Лінкі ўнівэрсальнага доступу

Беларускія сілавікі пабілі сырыйскіх мігрантаў і забралі ў іх грошы, — RMF FM


Польска-беларуская мяжа. Ілюстрацыйнае фота

Як сьцьвярджаюць мігранты, падчас падарожжа да мяжы з Польшчай іх неаднаразова затрымлівалі беларускія службы. У ходзе праверкі памежнікі забралі частку грошай, а аднаму з мужчын зламалі сківіцу, паведамляе RMF FM.

Сырыйцы прыехалі ў Менск зь Ярданіі, дзе пражылі некалькі гадоў. Пасьля прызямленьня ў Беларусі таксі павінна было даставіць іх на мяжу з Польшчай. Па словах сырыйцаў, менавіта падчас гэтай паездкі іх затрымлівалі некалькі разоў супрацоўнікі беларускіх сілавых ведамстваў.

Паводле сьведчаньняў мужчын, беларускія сілавікі рабавалі і білі іх. Толькі пазьней іх высадзілі на мяжы, дзе паказалі далейшы кірунак іх шляху.

У выніку мігранты з дапамогай кіроўцы ўкраінскага паходжаньня дабраліся да Ажарава Мазавецкага ў Польшчы, дзе іх і затрымалі. Аднаго зь іх даставілі ў лякарню, таму што ў яго была зламаная сківіца. Астатнія добраахвотна пагадзіліся на штраф. У сваю чаргу, вадзіцель, які перавозіў мігрантаў, быў абвінавачаны ў датычнасьці да арганізацыі незаконнага перасячэньня мяжы, яго арыштавалі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG